「日牛」8折火锅优惠＋放题延长至120分钟！

踏入一月，天气急转下降，下星期仲趺穿九度，呢个时侯只係想：打・边・炉！约埋成班朋友围住个炉「恰吓恰吓」，咁至係「冬天的浪漫」！讲吓讲吓，记者就忍唔住即刻做吓Research 睇吓book边间好。成班朋友打边炉又要好食、又要抵食仲要又要够食，搞手们，你懂的。而满足以上种种愿望，火锅放题店确係不二之选。而记者就发现日牛涮涮锅（日牛）近期推出嘅限时优惠几吸引，大家除咗预约订座除咗有全单8折优惠之外，仲可以加钟，由原本嘅个半钟加码到两个钟，同班朋友又可以吹多阵水啦！不过，大家留意返只有铜锣湾同新蒲岗Mikiki分店先有，限时去到2月29号。另外，亦只有铜锣湾分店有延长放题优惠，大家记住咪去错分店拎优惠呀！

讲完优惠，就睇吓餐牌有咩食先！

 

晚餐时段：

晚餐时段肉类级别较多，有共四个级别，由澳洲穀饲牛到黑毛和牛均可选择。

以最平嘅「日牛」套餐计算，每位成人原价连加一（＄148＋10％服务费）就盛惠＄162.8，八折后连加一就即＄130.2，性价比高。

午餐时段：

午市可选择单碟套餐＋自助区放题或者全放题套餐，对于食肉兽嚟讲，紧係全放题套餐抵啲啦！而午市餐套餐亦只有一个级别嘅肉类可供选择。

以「日牛」套餐计算，每位成人原价连加一（＄98＋10％服务费）就盛惠＄107.8，八折后连加一即＄86.4，同样价钱比晚餐平咗40蚊有多，喺铜锣湾区或新蒲岗区返工嘅朋友仔，可以考虑吓放饭时间去挑战喎！

自助区放题

除咗牛肉、猪肉任叫之外，「日牛」亦推供咗唔同嘅蔬菜做配料，亦有少量麵食同米饭供选择，唔驶怕大食嘅朋友仔唔够饱。

而「日牛」最近仲推出咗两款「期间限定 北海道祭」新汤底，连以上餐牌都未有㗎！

粟米清汤底

粟米汤做汤底确係新配搭，呢个汤应该好快就要「加汤」，极爱栗米嘅记者应该会不自觉地一路打边炉一路饮个汤底……

辛味猪骨汤底

辣味猪汤非新鲜事，不过佢本身得一个辣味汤底嚟计，新增嘅呢个猪骨汤底就畀爱辣嘅朋友仔多个选择。

优惠归优惠，好食最紧要！记者即刻巡查Instgram，睇吓唔同网民对「日牛」嘅食评。

食物质素不俗但种类少

以唔同分店唔同网店都对「日牛」嘅火锅同食物质素偏向正面，但就觉得配料种类少咗啲同埋排队时间略长。所以，记者建议大家预约订座，咁就可以避免walk-in等位有排等啦！

午市放题最抵食

以最平嘅「日牛」套餐嚟计，午市平咗一截，唔少网民都觉得抵食。

网民推「日牛」乳酪为必食之物

唔少网友都激讚「日牛」嘅任食乳酪，更有网友话「识食日牛一定係食乳酪」，可见深受网民欢迎！由于「日牛」提供配料畀食客随意配搭嘅关係，唔少网民就发挥佢哋嘅创意，整得有咁靓得咁靓，唔讲以为喺出面嘅Froyo （Frozen Yogurt）专门店卖。

日牛涮涮锅专门店（限定优惠分店）

铜锣湾店

地址： 铜锣湾霎东街33号3楼A舖 （铜锣湾Holiday Inn Express 3楼）

电话：3586 1964

营业时间：星期一至四，12：00 pm－11：00pm；星期五至日，11：30 am－11：00pm

新蒲岗店

地址： 新蒲岗Mikiki 111舖

电话：3579 4770

营业时间：星期一至四，12：00 pm－11：00pm；星期五至日，11：30 am－11：00pm